Кыргызстандык Амантур Исмаилов Париждеги Олимпиада оюндарында коло медаль үчүн беттешүүгө мүмкүнчүлүк алды. Ал жубатуучу беттеште сербиялык каршылашын мөөнөтүнөн мурда жеңип алды. 

Ал 7-августта грек-рим күрөшү боюнча 67 килограммга чейинки салмак ченинде күч сынашып баштаган. Кыргызстандык 1/8 финалдык баскычтан баштап, анда грузиялык Рамаз Зоидзе менен беттешип, 12:1 эсебинде мөөнөтүнөн мурда жеңишке жеткен. Исмаилов чейрек финалда украиналык Парвиз Насибов менен кез келди. Парвиз Насибов Исмаиловду 7:6 эсебинде жеңип алган. Насибов жарым финалда азербайжандык спортчуну жеңип, финалга чыгып, Амантур Исмаиловго жубатуучу беттешке катышууга мүмкүнчүлүк берген. Анын коло медаль үчүн беттеши бүгүн, 8-августта болот.