Балбан Айпери Медет кызы Сербияда өткөн күрөш боюнча Дүйнө чемпиондугунда күмүш байгеге ээ болду.

Кыргызстандык спортчу 76 килограммга чейинки салмак ченинде күч сынашып, анда 1/16 финалдан баштаган. Медет кызы Румыния, Беларусь жана Канаданын спортчуларын 32:0 эсебинде катары менен үч жолу жеңип алды. Жарым финалдык беттеште кыргызстандык кыз Колумбиянын өкүлү менен килемге чыгып, аны да жеңди.

20-сентябрда финалдык беттеште Айпери Медет кызы япониялык Юки Кагами менен беттешти. Экинчи таймда кыргызстандык кыз бутунан жаракат алып, беттешти 0:8 эсебинде жыйынтыктай алган жок. Кагами жеңип, Дүйнө чемпиону болду. Медет кызы 2-орунду ээлеп, күмүш байгеге ээ болду.