"Ысык-Көлдү жабыш керек болот". Балбак Түлөбаев эки көйгөйдү чечүү зарылдыгын айтты
"Ысык-Көлдө көлдүн тагдырында роль ойной турган эки чоң көйгөй бар". Бул тууралуу депутат Балбак Түлөбаев билдирди.
"Бири - Кажы-Сайдагы уулуу калдыктар сакталган жайдын экинчи баскычы. Ал "Росатом" менен бүтпөй турат. Экинчиси - Чолпон-Атадагы тазалоочу курулмалар. Бул экөө жарылса, көлдү жабыш керек. Эки жылдан бери какшап келе жатам. Жарылса, туризм көмүлөт", - деди депутат.
