Текебаевдин мандатын алган жаңы депутат ишке киришти
Бүгүн, 31-мартта Жогорку Кеңеште кезектеги жалпы жыйын өтүп жатат. Отурумда жаңы депутат Шералы Абдылдаев ант берди. Ал мандаты сот тарабынан алынып коюлган Өмүрбек Текебаевдин ордуна келди.
Шералы Абдылдаев буга чейин Мамлекеттик мүлктү башкаруу фондусун жетектеген.
Белгилей кетсек, 2017-жылы Шералы Абдылдаев коррупция фактысы боюнча ачылган иште суракка жана соттук отурумдарга келбей жатканына байланыштуу УКМК тарабынан издөөгө алынган. Ал бул иште Өмүрбек Текебаев жана экс-министр Дүйшөнкул Чотонов менен бирге өтүп жаткан. Кийин ал ден соолугуна байланыштуу операция жасатуу үчүн Түркияга кеткени маалым болуп, тергөө убактылуу токтотулган.
Жалпы жыйынга 82 эл өкүлү чогулду.
Учурда Шералы Абдылдаевдин соттуулугу жок, бирок андан айыптоолор алынып салына элек, Абдылдаев үй камагында.
