Шайлоодон четтетилген партиялар кайра дайындалган шайлоого катыша алабы?
Учурдагы мыйзамга ылайык, шайлоонун жыйынтыктарын жокко чыгарууга себепчи болгон талапкерлер кайра шайлоого катыша алышпайт. Бул тууралуу кечээ, 19-майда БШКнын төрайымы Нуржан Шайлдабекова билдирди. Бирок мындай чектөө саясий партияларга каралган эмес.
«Аймактык шайлоо комиссиясы партиялар көрсөткөн талапкерлерди каттоодо аларды шайлоого катыштыруу же катыштырбоо тууралуу чечим кабыл алат», - деди Шайлдабекова.
Кечээ, 19-майда Борбордук шайлоо комиссиясы Бишкек шаардык кеңешинин депутаттарын шайлоону жараксыз деп тапты.
