Садыр Жапаров Казань шаарына жөнөп кетти. Коштоп кеткендердин тизмеси
Президент Садыр Жапаров бүгүн, 23-октябрда XVI БРИКС саммитинин мамлекет башчыларынын жыйынына катышуу үчүн иш сапары менен Татарстан Республикасына (Казань шаары) жөнөп кетти.
Кыргыз Республикасынын расмий делегациясынын курамындагылар:
- Президенттин администрациясынын тышкы саясат бөлүмүнүн башчысы Муратбек Азымбакиев;
- тышкы иштер министри Жээнбек Кулубаев;
- Кыргызстандын Орусиядагы элчиси Кубанычбек Боконтаев.
Алдыдагы саммиттин жүрүшүндө көп тараптуулукту бекемдөөгө, бирикменин жаңы мүчөлөрүн интеграциялоого багытталган маанилүү чечимдер кабыл алынат.
