Садыр Жапаров Израиль-Палестина кагылышуусуна токтолду
Президент Садыр Жапаров бүгүн, 9-ноябрда Ташкент шаарында Экономикалык кызматташтык уюмуна мүчө мамлекеттердин башчыларынын 16-саммитинде сөз сүйлөдү.
"Биз Жакынкы Чыгыштагы кырдаалга жана Газа тилкесиндеги гуманитардык кризиске көңүлүбүз ооруп, зээнибиз кейип, байкап отурабыз. Биз тараптарды курмандыктарды жана жайкын тургундарга карата зордук-зомбулукту болтурбоо боюнча комплекстүү чараларды көрүүгө, согуштук аракеттерди тез арада токтотууга жана сүйлөшүү процессин күттүрбөстөн баштоого чакырабыз”, - деди Садыр Жапаров.
