Садыр Жапаров Дубай шаарына барды
Президент Садыр Жапаров кечээ, 30-ноябрда иш сапары менен Дубай шаарына (Бириккен Араб Эмираттары) барды. Мамлекет башчысынын борту "Аль-Мактум" эл аралык аэропортуна конду.
Садыр Жапаровду БАЭнин энергетика жана инфраструктура министри Сухейль Аль-Мазруи тосуп алды.
Мамлекет башчысы БУУнун климаттын өзгөрүшү жөнүндө Алкактык Конвенциясынын Тараптарынын 28-конференциясынын жогорку деңгээлдеги Сегментине катышат, ошондой эле БУУнун климаттын өзгөрүшү жөнүндө Алкактык Конвенциясынын Тараптарынын 28-конференциясынын пленардык отурумунда сөз сүйлөйт.
