Руслан Кыдырмышев президенттин коомдук башталыштагы кеңешчиси болуп дайындалды
Кыдырмышев Руслан Жаманакович Кыргыз Республикасынын президентинин коомдук башталыштагы кеңешчиси болуп дайындалды. Тиешелүү буйрукка президент Садыр Жапаров кол койду.
Руслан Кыдырмышев 1982-жылы 3-ноябрда Бишкек шаарында туулган. Жаш кезинен тарта спорттун бир нече түрү менен машыккан. Таэквондо боюнча кара курдун ээси, машыктыруучу Мурат Бурхановдун колунда тарбияланган.
Билими:
1999-2004-жылдары Жусуп Баласагын атындагы Кыргыз улуттук университетинин мамлекеттик башкаруу факультетинде билим алган;
2004-2006-жылдары Президентке караштуу Башкаруу академиясынан магистрдик билим алган;
Ишмердүүлүгү:
2006-жылдан тарта ишкерлик менен алектене баштаган;
2010-жылы — "Кыргыз элдик ишмерлер партиясы" саясий партиясын негиздеген ("Кыргызская Народная Рабочая Партия");
2011-жылы — Кыргыз Республикасынын бразилиялык версиядагы "Вале-тудо" аралаш мушташ федерациясынын вице-президенти;
2014-жылы — Бүткүл дүйнөлүк кулатуу эр таймаш федерациясынын президенти (WEF — World Ertaymash Federation — ред.);
2015-жылы — "Жаштар баңгизатка каршы" социалдык долбоорунун негиздөөчүлөрдүн бири;
2016-жылы — "Бакубат келечек" кайрымдуулук фондусун негиздеген;
2018-жылы — Кыргыз Республикасынын Тай бокс федерациясынын президенти болуп шайланган;
2019-жылы — Кыргыз Республикасынын Street Workout федерациясынын мүчөсү болуп дайындалган;
2020-жылы — Кыргыз Республикасынын "Нага Грэпплинг" Федерациясынын президенти болуп шайланган.
Үй-бүлөлүү, беш баланын атасы.
