Референдум дайындоо мыйзам долбооруна депутаттар кандай добуш беришти. Тизме
Бүгүн, 11-мартта Жогорку Кеңештин депутаттары жаңы Баш мыйзам боюнча референдум дайындоо тууралуу мыйзам долбооруна добуш беришти.
Жыйынга жалпы 100 депутат катышты. Катышкан 94 депутат "макул" болсо, 6сы "каршы" добуш берди.
Каршы добуш бергендер: Жанар Акаев, Дастан Бекешев, Бактыбек Жетигенов, Чынара Урумкалиева, Наталья Никитенко, Рыскелди Момбеков.
Ал эми 19 депутат жыйынга келген жок. Бүгүн кабыл алынган мыйзам долбооруна ылайык, референдум ушул жылдын 11-апрелинде өтөт.
