Өкмөт башчылыкка талапкер Марипов: "Билим берүү министри иштей берет"
Билим берүү жана илим министри иштей берет. Бул тууралуу бүгүн, 1-февралда премьер-министрликке талапкер Улукбек Марипов билдирди.
“Жаңы билим берүү министри боюнча оюм жакшы. Ал боюнча интернет сайттардан окудум. Алмазбек Бейшеналиев тууралуу айтылган маалыматтар куру сөз. Кудай буюрса, ал киши иштей берет”, - деди ал.
Буга чейин депутат Жанар Акаев социалдык тармактагы баракчасына "коалиция билим берүү министрин алмаштырганы жатат" деген билдирүү жазган эле.
