Өмүрбек Текебаев Камчыбек Ташиевге жооп берди
"Мен буга чейин кийинки президенттик шайлоо боюнча айттым эле. Ал качан болот белгисиз, мыйзам боюнча 5 жылдан кийин өтөт, андан мурун да болуп калышы мүмкүн. Өткөндө ушул сөзүмө карата Камчыбек Ташиев "булардын ою жаман, ою бузуку, эртең чаң-тополоң салат, тонойт" деди. Жок, андай эмес". Бул тууралуу "Ата Мекен" партиясынын лидери Өмүрбек Текебаев бүгүн, 28-ноябрда добуш берүүдөн чыккан соң билдирди.
https://www.youtube.com/watch?v=IupZxFibQPw
Буга чейин УКМКнын төрагасы Камчыбек Ташиев «Кечээ күнү бир талапкер «мөөнөтүнөн мурда президентти шайлоого даярдангыла, мен талапкерлигимди коём» деп жатат. Көрдүңөрбү, булардын психологиясы бузулган» деген болчу.
