Нооруздан кийин келишет. ЖК депутаттары аймактарда иштөө үчүн тарап кетишти
Жогорку Кеңеште кийинки жумада жалпы жыйындар жана комитеттердин, фракциялардын отурумдары болбойт. Бүгүн, 11-мартта депутаттар 15-19-мартта жер-жерлерде шайлоочулар менен иштөө тууралуу чечим кабыл алышты.
Буга байланыштуу парламенттин жалпы жыйындары Нооруз майрамынан кийин уланат.
Бүгүнкү отурумда Жогорку Кеңеш Конституциянын жаңы долбоору боюнча референдум өткөрүү тууралуу мыйзам долбоорун 2-3-окууда карады. 94 депутат "макул", 6 депутат "каршы" добуш беришти.
