Мадумаров: "Акылбек Жапаров азыр деле казино иштеп жатат дейт. Демек, силер алсызсыңар"
Бизде эмне ата-бабаларыбыздын салтында кумар оюну бар беле? Же эмне ата-бабаларыбыз кумардан пайда тапкыла деп айтты беле? Депутат Адахан Мадумаров парламент жыйынында суроо салды.
"Туура айттыңар, Конституцияны бекем кармаш керек деп. Биринчи бетинде жазылып турат "Ата-бабалардын салтын сактап, айкөл Манастын осуяттарына таянып" дейт. Бизде эмне ата-бабаларыбыздын салтында кумар оюну бар беле? Же эмне ата-бабаларыбыз кумардан пайда тапкыла деп айтты беле? Кумардын түбү чыр деп айтып келишет. Мына ата-бабаларыбыздын айтып келгени. Айтып жатасыңар "азыр деле казино ойноп жатат" деп. Демек, силер алсызсыңар, силерде мыйзам иштебейт", - деди Мадумаров.
"Ата-бабалар Кыргызстан өлкөсү болуп калса, каректей сактагыла деген. Кыргызстандын ичиндеги жарандарды кор кылбай, тентитпей, жашаткыла деген. Ошол үчүн аракет кылып жатабыз", - деди Акылбек Жапаров.
