"Кумтөр» компаниясынын ишмердүүлүгүн иликтеген мамлекеттик комиссиянын төрагасы, депутат Акылбек Жапаров 1992-жылдан бери Кумтөр боюнча макулдашууларга кол койгон жетекчилерди санап берди: - 1992-жылы – премьер-министр Турсунбек Чынгышев, Дастан Сарыгулов; - 1993-жылы – премьер-министр Турсунбек Чынгышев (Конституциялык келишим, парламент өткөрбөй койгон); - 1994-жылы – премьер-министр Апас Жумагулов жана Дастан Сарыгулов, премьер-министр Жумагулов жана "СП Голд Компанин" директору Давлетов; - 1995-жылы – «Кыргыз алтындан» Сарыгулов (бул жылы 2 ирет кол койгон); - 2003-жылы – «Кыргыз алтындан» Камчыбек Кудайбергенов; - 2003-жылы – премьер-министр Николай Танаев жана Кудайбергенов (бул жылы 3 ирет кол коюшкан); - 2004-жылы – «Кыргыз алтындан» Кудайбергенов жана министр Курманбек Осмонов; - 2007-жылы – премьер-министр Алмазбек Атамбаев (парламент таркап кеткен); - 2009-жылы – премьер-министр Игорь Чудинов жана «Кыргыз алтындан» Жакыпов (бул жылы 2 ирет кол коюшкан); - 2013-жылы – премьер-министр Жантөрө Сатыбалдиев, президент Атамбаев (күчүнө кирген эмес, парламент колдобой койгон); - 2017-жылы – премьер-министр Сапар Исаков; - 2019-жылы – премьер-министр Мухаммедкалый Абылгазиев, президент Сооронбай Жээнбеков. «Макулдашууларга бардык премьер-министр менен президенттер активдүү катышкан», - деди Акылбек Жапаров.