Президенттик аппарат мамлекет башчысы Садыр Жапаровдун төрагалыгы астында Коопсуздук кеңешинин биринчи отурумун даярдап жатат. Бул тууралуу ЖМКлар өз булактарына таянуу менен жазышты. Коопсуздук кеңеши эртең, 20-апрелде жабык эшик артында өтөт. Президент Коопсуздук кеңешинин мүчөлөрү менен коронавирус инфекциясынын үчүнчү толкунундагы көйгөйлөрдү, экономикадагы оор кырдаалды, коррупцияга каршы күрөш жана кадрдык маселелерди талкуулоону көздөп жатат. Премьер-министр, Жогорку Кеңештин төрагасы, башкы прокурор жана коопсуздук органдарынын жетекчилери кирген Коопсуздук кеңешинин мүчөлөрүнөн тышкары дагы кимдер “килемге” чакырылары белгисиз. Бул маалыматты тактоо үчүн президенттик аппарат менен байланышуу мүмкүн болгон жок.