Бектур Асановго карата чыгарылган мурдагы өкүмдөр жокко чыгарылды
Жогорку Сот экс-губернатор Бектур Асановго карата чыгарылган мурдагы өкүмдөрдү жокко чыгарып, кылмыш ишин кайра кароого жөнөттү.
Буга чейин Асанов соттуулугу бар болгону үчүн президенттик шайлоо жарышынан четтеп калган эле. Мындан 4 жыл мурда Бектур Асанов, Дастан Сарыгулов, Кубанычбек Кадыров, Эрнест Карыбековго карата “бийликти басып алууга аракет кылуу” беренеси менен иш козголуп, соттолгон. 2019-жылы Асанов менен Кадыров шарттуу түрдө мөөнөтүнөн мурда эркиндикке чыгышкан.
