Башкы прокуратура: "Жапыкеевдин арызы боюнча буйрук чыга элек"
Финполдун мурунку башчысы, жакында эле Ысык-Көл облусунун прокурору кызматына дайындалган Сыймык Жапыкеев журналисттерге кызматтан кеткенин айтып, арызды өзү жазганын билдирген. Бул маалыматты тастыктоо үчүн СЕРЕП МЕДИА маалымат агенттиги Башкы прокуратура менен байланышты.
"Сыймык Жапыкеевдин арызына буйрук чыга элек. Ошондуктан азыр эч нерсе деп айта албайбыз. Буйрук чыксын", - дешти Башкы прокуратурадан.
