Ысык-Көлдө кызын куткарам деп, атасы кошо чөгүп кетти
Ысык-Көл облусунун Сары-Булак айылында эки адам сууга чөгүп, көз жумду. Бул тууралуу ӨКМден билдиришти.
Маалыматка караганда, кырсык кечээ, 10-июнда саат 13:40 чамасында катталган. Анда 2001-жылы туулган кыз сууга чөгө баштаган. Аны 1979-жылы туулган атасы сактап калууга аракет кылган. Бирок экөө тең көз жумган. Жерине 4 куткаруучу тартылган. Бирок сөөк суудан жергиликтүү тургундар тарабынан чыгарылган.
