Ысык-Ата районундагы каналдан эркек кишинин жансыз денеси табылды
Кечээ, 22-мартта болжол менен саат 11:04 чамасында Ысык-Ата районунун Новопокровка айылындагы каналдан 30-35 жаштагы эркек кишинин жансыз денеси табылды. Бул тууралуу ӨКМдин басма сөз кызматынан билдиришти.
“Ал жерге ӨКМдин №27 өрткө каршы куткаруу бөлүгүнүн куткаруучулары тартылып, эркек кишинин жансыз денесин суудан чыгарышып, ИИМдин кызматкерлерине өткөрүп беришкен”, - деп айтылат маалыматта.
Учурда маркумдун аты-жөнү такталып жатат.
