Улуттук коопсуздук мамлекеттик комитети күйүүчү жана майлоочу майлардын кезектеги контрабандалык жол менен чыгарылып бараткан жүктөрүнө бөгөт койду. Бул тууралуу мекеменин басма сөз кызматынан билдиришти. Маалыматка ылайык, 2021-жылдын 24-мартында чек араны мыйзамсыз кесип өтүү фактысы боюнча Лейлек районунун «Коргончо» чек ара бөлүгүндө эки «Хюндай-Старекс» автоунаасы кармалды. Алар чек ара бөлүгүндө күйүүчү-майлоочу материалдарды (болжол менен дизелдик күйүүчү май) жасалма мамлекеттик номур менен Тажикстанга ташып, каттап турушкан. “Такталгандай, күйүүчү-майлоочу материалдарды ташууга контейнерлер үчүн автоунаалардын кузовдорун атайын жасалгандыгы аныкталды. Алдын ала маалыматтар боюнча, жүктүн жалпы көлөмү болжол менен 8 тоннаны түзгөн,- деп айтылат маалыматта. Бул факты Кылмыш-жаза кодексинин 39-358-беренесинин 1-бөлүмүндө каралган кылмыштын белгилери боюнча бирдиктүү реестрге катталып, учурда фактылык жагдайларды жана бул ишке катышкан адамдарды аныктоо боюнча ыкчам-тергөө иш-чаралар жүргүзүлүүдө. [gallery columns="1" size="full" jnewsslider="true" ids="30258,30259,30260,30261"]