Тууну өзгөртүүгө каршы чыккан Афтандил Жоробеков камакта калтырылды
Бишкек шаардык соту тууну өзгөртүүгө каршы чыккан Афтандил Жоробеков камакта калтырды.
Бүгүн, 25-декабрда Бишкек шаардык сотунун соттук коллегиясы жарандык активистти СИЗОго эки айга калтыруу боюнча райондук соттун чечимин өзгөртүүсүз калтырды.
Афтандил Жоробеков 7-декабрь күнү кармалган. УКМК маалымат таратып, социалдык тармактагы баракчасы аркылуу республикада коомдук кырдаалды туруксуздаштырууга жана массалык баш аламандыктарга алып келүүчү чакырыктарды жасаган деп айыпталып жатканын билдирген.
