Telegram аркылуу синтетикалык баңги заттарды сатууга көмөктөшкөн криптовалютанын ээлери кармалды. Бул тууралуу УКМКдан билдиришти. УКМК тарабынан 4-мартта Бишкек шаарында Telegram аркылуу «мефедрон», «туз», «кристалл» синтетикалык баңги заттарын сатышып, криптовалюталык кызмат көрсөткөн адамдардын тобунун кылмыштуу иш-аракеттерине бөгөт коюлду. Ыкчам-иликтөө иш-чараларынын жүрүшүндө «крипто алмашуучулардын» тобу кармалып, алардан көп сандагы банк карталары, уюлдук телефондор жана сим-карталар, ошондой эле ири өлчөмдөгү «мефедрон» баңгизаты табылган. Жүргүзүлгөн ыкчам-иликтөө иш-чараларынын алкагында баңгизатын мыйзамсыз жүгүртүү менен алектенген жана “крипто алмаштыргычтар” аркылуу ортомчулук кызмат көрсөткөн 5 жаран кармалып, УКМКнын убактылуу кармоочу жайына киргизилген. [gallery link="file" columns="1" size="full" jnewsslider="true" ids="231228,231229,231230,231231,231232,231233,231234,231235,231236,231237"]