Бишкекте жаңы психоактивдүү заттарды сатуу боюнча туруктуу каналга бөгөт коюлду. Бул тууралуу ИИМден билдиришти. Маалыматта сотко чейинки өндүрүш иштеринин алкагында жүргүзүлгөн ыкчам-издөө иш-чараларынын натыйжасында Бишкек шаарынын аймагынан интернет аркылуу «Телеграм» социалдык тармагында «@LuCHiKso» аттуу аккаунту менен психоактивдүү жана баңгизаттарды сатуу каналын жөндөп алган фигурант аныкталганы айтылат. Ыкчам-тергөө иш-чараларынын натыйжасында борбор калаада мыйзамсыз аракеттерин жасоого шектүү катары К.А. аттуу 28 жаштагы Орусия Федерациясынын жараны кармалган. Тинтүүнүн натыйжасында жарандын батиринен таблетка түрүндөгү кызгылт-сары түстүү,  кендир жытына ээ болгон белгисиз дары-дармектер, тамеки тартуу түрүндөгү жабдуулар, керектөө үчүн түтүктөр жана бульбулятор табылып алынган. Соттук-химиялык изилдөөнүн корутундусуна ылайык, табылып алынган зат 41 граммды түзгөн, жаңы психоактивдүү зат экендиги аныкталган. Учурда аталган кылмышка тиешеси бар башка жактарды аныктоо боюнча ыкчам-тергөө иш-чаралары улантылууда.   [gallery columns="1" size="full" jnewsslider="true" ids="27343,27342,27341,27340,27339,27338"]