Ош шаарынын Курманжан датка көчөсүндө орун алган “Жети Баатыр” аталышындагы азык-түлүк дүкөнүн өрттөп кеткен эки шектүүнү кармалды. Бул тууралуу Ош ШИИБден билдиришти. Милицияга 19-ноябрь күнү Ош шаарынын 1986-жылы туулган тургуну арыз менен кайрылган. Ал арызында “Жети-Баатыр” аталышындагы азык-түлүк дүкөнүн белгисиз жарандар өрттөп кеткендигин билдирген. Факты Ош шаарынын ички иштер башкармалыгына Кылмыш-жаза кодексинин 216-беренеси менен катталып, ыкчам тергөө иштери жүргүзүлгөн. Кылмышка шектүү катары Ош шаарынын 2000 жана 1993-жылы туулган тургундары кармалып, соттун чечими менен 2 айга камакка алынды. Тергөө иштеринин алгачкы жүрүшүндө маалым болгондой, алар дүкөнгө уурулука киргенин, көзөмөл камераларын көрүп калып, коркконунан жана изин жашыруу максатында “Жети-Баатыр” дүкөнүн өрттөп жиберишкенин айтышкан. Шектүүлөр буга чейин да адам өлтүрүү, уурулук жана башка беренелер менен бир нече жолу соттолгондугу аныкталган.

 

Посмотреть эту публикацию в Instagram

 

Публикация от Ош ШИИБ/УВД г.Ош (@uvd_g_osh)