Ошто күйөөсүнүн колунан ажал тапкан келин боюнча пост жазган жаран кармалды
Ошто 38 жаштагы келин 26-майда жолдошу тарабынан өлтүрүлгөн. Ал октон алган жаракатынан каза болгон. Келин тууралуу пост жазып, коомчулукта нааразычылык жараткан блогер Айбек Уланов кармалды. Бул тууралуу авдокат Шердор Абдыкапаров билдирди.
Маалыматка караганда, ага 330-берене (Расалык, этностук, улуттук, диний же региондор аралык кастыкты козутуу) боюнча кылмыш иши козголгон. Бүгүн, 5-июнда сотто анын бөгөт чарасы каралат.
- Кылмыш коомчулукта резонанс жаратып жатканда Уланов келиндин жасалма интеллект менен жасалган сүрөтүн колдонуп пост жарыялаган. «Аялыңыз 20 жылдыкта классташы менен жатып алганын билип калсаңыз, кандай карайт элеңиз?» деп жазган. Бул пост сынга алынып, соцтармактын колдонуучулары аны жоопкерчиликке тартууну талап кылышкан. Уланов билдирүүнү өчүрүп, бир нече сааттан кийин кечирим сураган видеону жарыялаган.
Посмотреть эту публикацию в Instagram
