Ош облусунун аймагында эки ирет жер титиреди
Кечээ, 19-сентябрь күнү саат 08:40 чамасында Ош облусунун аймагында очогунда күчү 3 баллга жеткен жер титирөө катталды. Бул тууралуу ӨКМден билдиришти.
Анын күчү Чоң-Алай районунун Ачык-Суу айылында 2 баллга чейин сезилген. Ошондой эле ошол эле күнү саат 21:21 чамасында Алай районунун Сары-Таш жана Арча-Булак айылдарында 2,5 баллга чейин сезилген жер титирөө катталган.
Алдын ала маалымат боюнча, жер титирөөдөн жабыркагандар жана кыйроолор катталган жок.
