Орусияда курулушта иштеген үч Кыргыз жараны топурактын алдында калды
Кыргызстандын Орусиядагы элчилигинин маалыматына ылайык, 3-майда Геленджик шаарында курулуш жүрүп жаткан аянттардын биринде топурак көчкөн. Бул тууралуу "Спутник" жазды.
“Кырсыктан улам И.А.С., Э.у.Э. жана Д.Е.А. аттуу Кыргыз жарандары топурактын алдында калган. Аларды издөө иштери жүрүп жатат. Мындан тышкары, С.К.О. аттуу жаран оор жаракаттар менен ооруканага жеткирилген”, — деп жазылат маалыматта.
Орусиянын тийиштүү органдары тарабынан кылмыш иши козголуп, элчилик алар менен байланышта экени кошумчаланды.
