Орусиянын Башкы прокуратурасы Кыргызстандын абагынан качып кеткен Замира Ахматжанованы кайтарып берди. Аны Ош шаардык соту 2015-жылдын декабрында алдамчылык беренеси менен соттогон. Бирок кылмышкер аял жоопкерчиликтен качып кеткен. Бул тууралуу ЖМКларга Орусия Башкы прокуратурасынын расмий өкүлү Андрей Иванов билдирди. 2014-2015-жылдары Ахматжанова шериктери менен бирге Кыргызстанда ар кандай жолдор менен 4 адамдын акчаларын жана мүлктөрүн уурдашкан. Жалпы зыян дээрлик 2,5 миллион сомду түзгөн. 2017-жылдын 25-январында Ахматжанова Ош шаарындагы № 42 абактан качып кеткен. Анын Орусиянын кайсы аймагында жүргөнүн аныктаган Кыргызстан орусиялык кесиптештерине айыпталуучуну өткөрүп берүү өтүнүчүн жөнөткөн. Аялды атайын күзөт менен Кыргызстанга жеткиришти.