Милиция кармалган бийчи Жан Воинов боюнча маалымат берди
Бишкектин Биринчи Май РИИБи кармалган бийчи Жан Воинов боюнча маалымат берди.
Маалыматка караганда, ал бейбаштык фактысына шектелип кармалган. "30-июнда Биринчи Май РИИБге Ж.Т. аттуу жаран арызы менен кайрылган. Анда ошол эле күнү болжол менен түнкү саат 01:00 чамасында Киев көчөсүндө жайгашкан мейманканалардын биринде В.Ж., аттуу жаран коомдук тартипти жана жалпы кабыл алынган жүрүм-турум эрежелерин атайылап жана одоно бузуп, негизсиз түрдө дене жаракаттарын келтиргендигин билдирген.
Аталган факты боюнча Тергөө кызматы тарабынан Кылмыш-жаза кодексинин 280-(Бейбаштык) беренесине ылайык кылмыш иши козголгон.
Жүргүзүлгөн тергөө жана ыкчам-издөө иш-чараларынын алкагында, Биринчи Май РИИБдин ыкчам кызматкерлери тарабынан 1996-жылы туулган В.Ж., аттуу шектүү аныкталып, Тергөө кызматына жеткирилип, убактылуу кармоочу жайга киргизилди",- деп айтылат маалыматта.
