Lexus унаасы менен 10 жашар кызды сүзүп кеткен айдоочу камакта калтырылды
Lexus 470 унаасын башкара албай калып, 10 жашар кызды сүзүп кеткен 16 жаштагы айдоочу 4-ноябрга чейин камакка алынды. Мындай чечимди Свердлов райондук соту кабыл алды.
4-октябрда саат 18:30 чамасында Бишкектин Арча-Бешик конушунда 11-класстын окуучусу рулду башкара албай калып, Lexus 470 унаасы менен бала бакчанын тосмосун сүзүп, 10 жаштагы кызды тебелеп кеткен. Кырсыктын кесепетинен кыз каза болгон.
