Лейлекте күйөөсү тарабынан катуу сабалган аял милицияга арыз менен кайрылды (сүрөт)
Күйөөсү тарабынан катуу сабалган аял милицияга арыз менен кайрылды. Бул тууралуу бүгүн, 19-февралда Баткен ОИИБдин басма сөз кызматынан билдиришти.
Маалыматка ылайык, 1-февралда Лейлек районундагы Андархам айылынын тургуну күйөөсү тарабынан катуу сабалган.
Аталган окуя боюнча азырынча тергөө иштери жүрүп жатат. Ал эми бул факт боюнча Жазык кодексинин 66-беренесине ылайык (ден соолукка жеңил зыян келтирүү) кылмыш иши козголгон. Денесинен жарат алган аялга соттук-медициналык экспертизалар дайындалган.
