УКМК тарабынан баңгизаттардын мыйзамсыз жүгүртүлүшүнө каршы күрөшүү боюнча жүргүзүлүп жаткан иш-чаралардын алкагында, ИИМдин Баңгизаттарды мыйзамсыз жүгүртүүгө каршы күрөшүү кызматы менен биргеликте, Кыргызстандын аймагында "Мефедрон" аталышындагы синтетикалык дары-дармектерди чыгаруу боюнча турукташкан баңги тобунун иши аныкталып ага бөгөт коюлду. Бул тууралуу УКМКдан билдиришти. Маалыматка караганда, жарандардын биринин жетекчилиги астында дары-дармектерди үзгүлтүксүз өндүрүү үчүн бардык талаптарга жооп берген дары лабораториясынын иштөөсүн уюштуруу менен, жаштардын арасында синтетикалык дары-дармектерди сатуу каналын түзгөн. 16-апрелде атайын жүргүзүлгөн иштердин жүрүшүндө, синтетикалык баңгизаттарды өндүрүү ишинин жана аларды өзгөчө ири масштабда сатуу аракеттеринде ал жаран кармалды. 18-апрелде Бишкек шаарынын Биринчи Май райондук сотунун чечими менен кармалган жаран №1-тергөө камак жайына 2 айга камакка алуу түрүндө баш коргоо чарасы тандалган. Тергөө жүрүп жатат. Маалымат үчүн: Баасы 1 грамм болгон “Мефедрон” Бишкек шаарынын жана Чүй облусунун аймагында болжол менен 5000-6000 сомду түзөт. Аны колдонуу адамдын өмүрү жана ден-соолугу үчүн сөзсүз кесепеттери менен нерв системасына терс таасирин тийгизет.