Караколдогу лыжа базада 43 жаштагы казакстандык каза болду. Ал досу менен кагылышып кеткен
Кечээ, 27-февралда Караколдогу лыжа базасында казакстандык 43 жаштагы жаран сноуборд тээп баратып, досу менен кагылышып, каза болгон. Бул тууралуу Ысык-Көл ОИИБден билдиришти.
Алдын ала маалыматтарга ылайык, Казакстандын 1982-жылы туулган жараны сноуборд тээп түшүп келе жатып, өзү менен бирге Казакстандан чогуу келген досуна урунган. Кесепетинен ал оор жаракат алып, ошол жерден каза болгон. Учурда соттук-медициналык экспертизалар дайындалып, окуянын бардык жагдайларын аныктоо боюнча териштирүү иштери уланууда.
