Каракол шаарында 11 жашар кыз жолго чуркап чыгып, унаанын дөңгөлөгүнө кирип кеткен. Ысык-Көл ОИИБдин берген маалыматына караганда, 28-сентябрда саат 19:40 чамасында Каракол ШИИБге ооруканадан билдирүү түшкөн. Анда 2010-жылы туулган кызды унаа сүзүп кеткени айтылган. Факты каттоого алынып, сотко чейинки өндүрүш иши башталган. Териштирүү учурунда кырсык болжол менен шаардагы Алдашев менен Жамансариев көчөлөрүнүн кесилишинде катталганы маалым болгон. Ак-Суу районунун 1982-жылы туулган тургуну Хонда Стэпвагон үлгүсүндөгү унаасын башкарып бара жатып, секелек кызды сүзүп кеткен. Тергөө учурунда жабырлануучунун апасы эч кандай дооматы жок экенин айткан. Ал арыз жазуудан жана соттук-медициналык экспертизадан баш тарткан. Сотко чейинки өндүрүш иши токтотулду. Ошол эле учурда, Каракол шаардык ички иштер бөлүмүнүн милиция кызматкерлери 127-берененин негизинде унаанын айдоочусуна айып пул салышты.  Ал эми жергиликтүү ЖМКлар окуянын видеосун жарыялашты. https://static.bulbul.kg/mp4/7/80787.513b482ae62277446db7356865977692.360.mp4