Түркиядагы тик учакта каза болгон жана жабыркагандардын аты-жөнү такталды. Стамбулдагы Башкы консулдугунун маалымааты боюнча, консулдук кызматкер кырсыктан жабыркаган Кыргыз жараны Э.И. менен ооруканада жолугушкан. Жабырлануучунун абалы туруктуу, көптөгөн жаракаттары бар. Ошол эле учурда издөө иш-чараларынын натыйжасында, О.О. аттуу Кыргыз жаранынын жансыз денеси табылды. Учурда каза болгон экинчи жаранды издөө иштери жүрүп жатат. 16-сентябрда Мендерес аймагында (Измирге жакын жергесинде) токой өртүн өчүрүүгө катышкан тик учак Тахтали дамбасына кулап түшкөн. Түркиянын Айыл чарба министрлигинин маалыматы боюнча, тик учакта 4 адам болгон, алардын үчөө Кыргыз жараны. Бир Кыргыз жараны ооруканада, калган жарандар боюнча издөө иштери уланып жаткан. Menderesingozu басылмасы изделип жаткан 2 кыргыз жаранынын жансыз денеси табылганын жазган.