Чүй облусунун Токмок шаарында пара алып жаткан жеринен улук тергөөчү кармалды. Бул тууралуу УКМКдан билдиришти. Маалыматка караганда, укук коргоо системасынын кызматкерлеринин арасындагы коррупциялык көрүнүштөрдү жоюуга багытталган иш-чаралардын алкагында, 18-мартта Чүй райондук ички иштер бөлүмүнүн улук тергөөчүсү А. уулу Ч. 40 миң сом пара менен кармалды. Ал алдамчылык беренеси менен шектелип жаткан жергиликтүү тургундан ишти жаап коюш үчүн 2 миң доллар талап кылган. Бул факт боюнча сотко чейинки өндүрүштүн материалдары "Пара талап кылуу" беренеси менен катталды. Кармалган А. уулу Ч. УКМКнын Тергөө абагына киргизилди. Учурда ыкчам-тергөө иштери уланууда. [gallery columns="1" size="full" jnewsslider="true" ids="28344,28345,28346,28347"]