"Фрима" кургак сүтүн мыйзамсыз жасап сатуу менен алектенген кылмыштуу топ аныкталды
"Фрима” кургак сүтүн мыйзамсыз жасап сатуу менен алектенген кылмыштуу топ аныкталды. Бул тууралуу бүгун, 26-январда Финполдун басма сөз кызматынан билдиришти.
Маалыматка караганда, Каржы полициясы детективдик агенттик менен биргеликте жасалма "Фрима" крем-порошок өнүмдөрүн өнөр жай көлөмүндө чыгаруучу жер астындагы цехти аныктаган. Цех борбордогу базарлардын биринин аймагында жайгашып, андан чыккан продукция антисанитардык шартта жасалган.
Бул факты боюнча Жазык кодексинин 218-беренесине ылайык кылмыш иши козголду.
