«Дөө Чыңгыз» каймана аттуу кримтөбөл соттун чечими менен камакта калтырылды. Бул тууралуу СЕРЕП МЕДИА маалымат агенттине Биринчи Май райондук сотунан билдиришти. Маалыматка караганда, ал 7-сентябрга чейин Жаза аткаруу кызматынын №21 мекемесинде камакта болот. Ошондой эле ал Жазык кодексинин 261-беренесинин 1-бөлүгүндө көрсөтүлгөн кылмышты (уюшкан топту түзүү же ага катышу) жасоого шектелүүдө. 8-июль күнү “Дөө Чыңгыз” атыккан кримтөбөл Чыңгыз Жумагуловду кармоо аракеттери жүргүзүлүп, анын унаасы аткыланганы маалымдалган. Кийинчерээк УКМК үн катып, Жумагулов менен ок атышуу болбогондугун билдирген. Ал эми 15-июль күнү УКМК анын кармалганын маалымдаган. Социалдык тармактарда анын УКМКга өзү келген видеосу тараган.