Чүйдүн Москва районунда өз таанышын өлтүрүүгө шектелген аял кармалды. Бул тууралуу Чүй облустук ички иштер башкармалыгынын басма сөз кызматынан билдириштди. Маалыматка ылайык, 21-март күнү саат 16:30 чамасында Москва районунун ички иштер бөлүмүнө Беловодское айылында жайгашкан үйлөрдүн биринен эркек кишинин сөөгү табылгандыгы тууралуу билдирүү келип түшкөн. Окуя болгон жерге тергөө-ыкчам тобу чыгышып, айтылган үйдөн 1969-жылы туулган жарандын киши колдуу болгон жансыз денеси табылган (бычактан жаракат алган). Аталган факты каттоого алынып, жүргүзүлгөн ыкчам-издөө иш-чараларынын жүрүшүндө бул кылмышка шектүү катары 1980-жылы туулган аял киши кармалды. "Тергөөнүн алдын ала версиясы боюнча кылмышка шектүү деп кармалган адам менен маркум экөөнүн ортосундагы мас абалда чыр-чатактан келип чыкканы маалым болгон", - деп айтылат маалыматта. Учурда шектүү Москва районунун ички иштер бөлүмүнүн убактылуу кармоочу жайына киргизилип, сотко чейинки өндүрүш иши уланууда.