Панфилов районунда адам өлтүрүүгө шектелген жаран кармалды. Бул тууралуу Чүй ОИИБден билдиришти. Маалыматка караганда, 14-июнда милицияга зомбулук менен өлтүрүлгөн адамдын жансыз денеси жаткандыгы тууралуу маалымат түшкөн. Жерине Панфилов РИИБдин кызматкерлери барган. Бул факты боюнча Жазык кодексинин 130-беренесине (адам өлтүрүү) ылайык кылмыш иши козголгон. Милиция кызматкерлери тарабынан каза болгон жарандын аты-жөнү такталган. Анын 1964-жылы туулган Кум-Арык айылынын тургуну экендиги аныкталган. Жогорудагы кылмышка шектелип, 2004-жылы туулган өспүрүм кармалып, тергөө абагына киргизилди. Тергөөдө шектүү менен маркумдун ортосунда чыр чыкканы маалым болгон. Өспүрүм кишини ур-токмокко алып, качып кеткен.