Чүйдө 36 жаштагы киши өз үйүндө жан берди
Чүйдө өрттөн бир адам көз жумду. Бул тууралуу ӨКМден билдиришти.
Маалыматка караганда, 13-февраль күнү Аламүдүн районуна караштуу Беш-Күнгөй айылындагы Таранчиев көчөсүндөгү үйдөн өрт чыккан. Аянты 25 чарчы метр турак үйдүн бир бөлмөсү күйгөн. Жерине №5 өрткө каршы куткаруу бөлүмүнүн бир өрт өчүрүүчү унаасы тартылып, өрт саат 08:14тө чектөөгө алынып, 09:00дө толук өчүрүлгөн. Өрттүн кесепетинен түтүнгө ууланып, 36 жаштагы эркек киши каза болгон. Учурда өрттүн келип чыгуу себеби такталууда.
