Чүйдө 25 жаштагы кызды уурдап бара жаткандар кармалды
Чүй облусунун жол кыймылынын коопсуздугун камсыздоо кызматкерлери кызды уурдап качкан жарандарды кармашты.
Бүгүн, 9-январда болжол менен саат 14:50 чамасында Ак Босого конушундагы үйлөрдүн биринен 1998-жылы туулган кызды белгисиз жарандар күчкө салып, Хонда Стэпвэгон үлгүсүндөгү унаага отургузуп, белгисиз тарапка качып кеткени тууралуу маалымат түшкөн.
Кылмыш изи сууй электе Хонда-Степвагон унаанын 1978-жылы туулган айдоочусу жана жанындагы 1992-жылы туулган жүргүнчүсү Жайыл районун Сосновка айылынан кармалган.
