Чоң Чүй каналынан белгисиз аялдын сөөгү табылды
Чоң Чүй каналынан аялдын сөөгү табылды. Бул тууралуу Өзгөчө кырдаалдар министрлигинен билдиришти.
Маалымат боюнча, Аламүдүн районунун Көк-Жар айылындагы каналга аял киши (аты-жөнү такталууда) түшүп кеткен. Аталган канал Чоң Чүй каналына кошулуп кетет. Жерине ӨКМден 5 куткаруучу тартылган. Издөө иш-чараларынын натыйжасында куткаруучулар тарабынан Патрис Лумумба көчөсүндө Чоң Чүй каналынан аял кишинин сөөгү табылып, милиция кызматкерлерине өткөрүп берилди.
