Чоң Чүй каналына чөгүп кеткен эркек кишинин жансыз денеси табылды. Бул тууралуу ӨКМден билдиришти. Маалыматка караганда, 7-июнь күнү Коммунаров көчөсүндөгү Чоң Чүй каналына 1978-жылы туулган эркек киши түшүп кеткен. Жерине издөө иштерин улантуу максатында ӨКМден жалпы 21 куткаруучу тартылган. Кечээ, 10-июнь күнү саат 19:00дө Сокулук районунун Новопавловка айылынын Тынчтык калктуу конушундагы Чоң Чүй каналында жергиликтүү тургундар тарабынан эркек адамдын жансыз денеси табылган. Жерине сууга чөгүп кеткен жарандын туугандары барып, өздүгүн тактап беришкен. [gallery link="file" columns="1" size="full" jnewsslider="true" ids="54147,54148"]