"Боло" криминалдык чөйрөгө тиешеси жок экенин айтты (видео)
"Боло" каймана аттуу Болотбек Жоробаев криминалдык чөйрөгө тиешеси жок экенин айтты.
"Мен Болотбек Жоробаев. Менин криминалдык чөйрөгө тиешем жок. Баарыңарды тынч жана биримдикте жашоого чакырам", - деди ал.
4-октябрда кримтөбөл Камчы Көлбаев (Камчыбек Асанбек) атайын операцияда УКМК кызматкерлерине куралдуу каршылык көрсөтүүдө өлтүрүлгөн. 5-октябрда УКМКнын төрагасы Камчыбек Ташиев «Мындан ары «мыйзамдагы ууру» деген болбойт» деген. Ошол эле күнү “Сакал” каймана аттуу кримтөбөл “мыйзамдагы ууру” макамынан баш тартканын айтса, 6-октябрда «Женго» каймана аттуу кримтөбөл эч кандай макамы жок экенин билдирген. 7-октябрда Камчы Көлбаевдин жеке жан сакчысы катары таанымал «Узун Улан» каймана аттуу Улан Барчакеев дагы криминалдык макамдан баш тартты.
