Бишкектин көчөлөрүнүн биринде унаасы менен бакты сүзүп алган аял жабыркады
Бишкектин көчөлөрүнүн биринде жол кырсыгы катталып, бир аял жабыркады. Бул тууралуу Өзгөчө кырдаалдар министрлигинен билдиришти. Маалымат боюнча, Чүй проспекти менен 7-апрель көчөлөрүнүн кесилишинде Toyota Aristo үлгүсүндөгү унаанын айдоочусу рулга ээ боло албай, жолдон чыгып бакты сүзгөн.
Кырсыктын кесепетинен 1994-жылы туулган аял киши жабыркаган. Жерине 5 куткаруучу тартылып, жабыркаган аялды унаадан чыгарып, Тез жардам кызматына өткөрүп беришти.
