Бишкектеги тез тамактануучу жайдан чыккан өрт толук өчүрүлдү
Бишкектеги тез тамактануучу жайда чыккан өрт толугу менен өчүрүлдү. Бул тууралуу ӨКМден билдиришти.
Буга чейин Бишкек шаарынын 8-кичи районунда жайгашкан «Шаурма на мангале» тез тамактануучу жайынан өрт чыкканы маалым болгон.
Өрттү өчүрүүгө 2 бөлүм тартылган. Тилсиз жоо саат 16:54тө чектөөгө алынган. Саат 19:11де толугу менен өчүрүлгөн. Алдын ала маалыматтар боюнча, жабыркагандар катталган эмес.
