Бишкекте түндө ири кампа өрттөнүп кетти. Өрттү толук өчүрүү иштери уланууда (видео)
Бишкек шаарына караштуу Ленин районунун Мурманск жана Садыгалиев көчөлөрүнүн кесилишинде жайгашкан кампадан өрт чыккан. Бул тууралуу ӨКМ кабарлады.
- Өрт тууралуу маалымат түнкү саат 03:45те түшкөн. Өрттү өчүрүүгө ыкчам түрдө биринчи бөлүм саат 03: 46да чыгып кеткен. Өрттүн аянты чоң болгондуктан жерине жалпы 7 бөлүм, 1 суу ташуучу, Штаб жана ККББдан ыкчам топ тартылган. Мындан сырткары ИИМ кызматкерлери, РЭТтен 1 бригада, "Тез жардам" кызматынан 1 бригада, газ чарба кызматынан 1 бригада, “Жашылдандыруу” муниципалдык ишканасынан 2 суу ташуучу унаа тартылды.
Такталган маалымат ылайык, өрт саат 07:20да чектөөгө алынып, учурда толук түрдө өчүрүү иши жүрүүдө. Жабыркагандар жок. Кошумча маалымат берилет.
