Бишкекте "сериялык уурулукка" шектелген жаран кармалды
Бишкекте бир катар уурулук иштерине шектелген жаран кармалды. Бул тууралуу Октябрь РИИБинин басма сөз кызматынан билдиришти.
"6-июль күнү нөөмөт бөлүмүнө жаран кайрылып, 6-кичи районунда 70 миң сомдук велосипедин белгисиз адамдар уурдап кеткенин айткан. Аталган факты боюнча уурулук беренеси менен кылмыш иши козголгон. Иликтөө иштеринин жыйынтыгында 1989-жылы туулган жаран кармалып, Бишкек ШИИББинин убактылуу кармоочу жайына киргизилген. Аталган шектүү кошумча 5 уурулукка катыштыгы болушу мүмкүндүгү аныкталган", - деп жазылат маалыматта.
